ഡോ​ൽ​ഫി​നും  ത​മിം​ഗ​ല​ങ്ങ​ളും ചാ​കു​ന്ന​ത് ക​ട​ലി​ൽ മു​ങ്ങി​യ ക​ണ്ടെ​യ്ന​റു​ക​ളി​ൽ ഇ​ടി​ച്ചോ; പു​ന്ന​പ്ര​യി​ൽ വീ​ണ്ടും ഡോ​ൾ​ഫി​ന്‍റെ ജ​ഡ​മ​ടി​ഞ്ഞു; മ​ര​ണ​കാ​ര​ണ​മ​റി​യാ​ൻ സാ​മ്പി​​ൾ ശേ​ഖ​രി​ച്ചു

അ​മ്പ​ല​പ്പു​ഴ: പു​ന്ന​പ്ര​യി​ൽ വീ​ണ്ടും ഡോ​ൾ​ഫി​ന്‍റെ ജ​ഡ​മ​ടി​ഞ്ഞു. പു​ന്ന​പ്ര തെ​ക്ക് പ​ഞ്ചാ​യ​ത്ത് വാ​വ​ക്കാ​ട് പൊ​ഴി​യി​ലാ​ണ് ഇന്നലെ ഉ​ച്ച​യ്ക്ക് 12 ഓ​ടെ ജ​ഡ​മ​ടി​ഞ്ഞ​ത്. ശ​ക്ത​മാ​യ തി​ര​യി​ൽ ക​ട​ലി​ൽനി​ന്നു പൊ​ഴി​യി​ലേ​ക്ക് അ​ടി​യു​ക​യാ​യി​രു​ന്നു.

വ​ള​രെ​യ​ധി​കം അ​ഴു​കി​യ നി​ല​യി​ലാ​ണ് ജ​ഡം. ഇ​തി​നെ​ത്തു​ട​ർ​ന്ന് അ​തി​രൂ​ക്ഷ​മാ​യ ദു​ർ​ഗ​ന്ധ​മാ​യി​രു​ന്നു പ്ര​ദേ​ശ​ത്ത്. വി​വ​രം വ​നം വ​കു​പ്പ്, തീ​രദേ​ശ പോ​ലീ​സ് എ​ന്നി​വ​രെ അ​റി​യി​ച്ചി​ട്ടു​ണ്ടെ​ന്ന് പ​ഞ്ചാ​യ​ത്ത് അ​ധി​കൃ​ത​ർ അ​റി​യി​ച്ചു.

പു​ന്ന​പ്ര​യി​ൽ ഒ​രാ​ഴ്ച​യ്ക്കി​ടെ മൂ​ന്നാം ത​വ​ണ​യാ​ണ് ഡോ​ൾ​ഫി​ന്‍റെ ജ​ഡ​മ​ടി​യു​ന്ന​ത്. നേ​ര​ത്തെ ര​ണ്ടു ത​വ​ണ പു​ന്ന​പ്ര ച​ള്ളി​യി​ൽ ഫി​ഷ് ലാ​ൻഡിംഗ് സെ​ന്‍ററി​ന് സ​മീ​പ​മാ​ണ് ഡോ​ൾ​ഫി​നു​ക​ളു​ടെ ജ​ഡ​മ​ടി​ഞ്ഞ​ത്.

മ​ര​ണകാ​ര​ണ​മ​റി​യാ​ൻ പി​ന്നീ​ട് സാ​മ്പി​ളു​ക​ൾ ശേ​ഖ​രി​ച്ചശേ​ഷം ഇ​വി​ടെ​ത്ത​ന്നെ മ​റ​വ് ചെ​യ്തി​രു​ന്നു. ക​പ്പ​ല​പ​ക​ട​ങ്ങ​ളു​ടെ തു​ട​ർ​ച്ച​യാ​യി ക​ണ്ടെ​യ്ന​റു​ക​ളി​ലി​ടി​ച്ചാ​ണ് ഡോ​ൾ​ഫി​നു​ക​ളും തി​മിം​ഗ​ല​ങ്ങ​ളും ചാ​കു​ന്ന​തെ​ന്ന് പ​റ​യു​ന്നു.

പു​റ​ക്കാ​ട് പു​ന്ത​ല, പ​ഴ​യ​ങ്ങാ​ടി എ​ന്നി​വി​ട​ങ്ങ​ളി​ൽ ര​ണ്ടാ​ഴ്ച​യ്ക്കി​ടെ ര​ണ്ടു തി​മിം​ഗ​ല​ങ്ങ​ളു​ടെ ജ​ഡ​ങ്ങ​ൾ അ​ടി​ഞ്ഞി​രു​ന്നു.